دادو : مکھی کے کاٹنے کے سبب جلدی مرض لیشمینیا وبائی شکل اختیار کر گیا

 دادو سندھ : کاچھو اور کیرتھر کے علاقوں میں مکھی کے کاٹنے کے سبب جلدی مرض لیشمینیا وبائی شکل اختیار کر گیا۔

ویب ڈیسک: (رپورٹ بھکر) ڈی ایچ او ڈاکٹر عبدالحمید شیخ کے مطابق دادو میں  1500 سے زائد افراد جلدی مرض لیشمینیا میں مبتلا ہو چکے ہیں جس کی وجہ ایک مخصوص مکھی کا کاٹنا ہے۔

 ڈی ایچ او ڈاکٹر عبدالحمید شیخ کا مزید  کہنا ہے کہ لیشمینیا ایک مخصوص مکھی (سینڈفلائی) کے کاٹنے سے پھیل رہا ہے، سینڈ فلائی مکھی پاک افغان سرحدی علاقوں سے دیگر علاقوں تک پھیل رہی ہے۔

محکمہ صحت سندھ کے مطابق مکھی کے کاٹنے سے خارش اور زخم ہو جاتا ہے جس  سے مریض کو شدید تکلیف ہوتی ہے۔

ڈی ایچ او سینئر ڈاکٹر عبدالحمید شیخ کا کہنا ہے کے متاثرہ علاقوں میں محکمہ صحت سندھ کی ٹیمیں طبی امدادمیں مصروف عمل ہیں، متاثرہ علاقوں میں اسپرے اور مرض کے خاتمے کے لیے کوششیں  کی جاری ہیں تاہم مقامی افراد خوفزدہ ہیں کے ایک مکھی کے کاٹنے کی وجہ سے پورا علاقہ جلدی وبا میں مبتلا ہو رہا ہے ۔ شہریوں کا کہنا ہے کہ موجودہ طبی امدادی کارروائیاں نہ کافی ہے ۔ صحت کے معاملاتِ میں وفاقی اور صوبائی حکومتوں کو مزید پھرتی دکھانی چاہیے ۔۔