پنجاب اسمبلی میں تبلیغی جماعت کے حق میں قرارداد متفقہ طورپر منظورکر لی۔
21 دسمبر ، 2021
پنجاب اسمبلی میں تبلیغی جماعت کےحق میں قرارداد متفقہ طورپرمنظور کرلی گئی۔
قرارداد مسلم لیگ( ق) کی رکن اسمبلی خدیجہ عمر نے پیش کی جس میں اسپیکرپنجاب اسمبلی پرویز الٰہی نے واحد تبلیغی جماعت سے"’واحد" لفظ کی ترمیم کی۔
قرارداد متفقہ طور پر منظور ہونے کے بعد اسپیکرچوہدری پرویزالٰہی کا کہنا تھا کہ تبلیغی جماعت اور دیگردینی جماعتیں اسلام کی دعوت وتبلیغ کا فریضہ انجام دے رہی ہیں، یہ جماعتیں اسلام اورامن کی سفیر ہیں اور پاکستان کیلئے قابل فخراثاثہ ہیں۔
ان کا کہنا تھاکہ تبلیغی جماعت کے اجتماع میں 72 ممالک کےلوگ اورسعودی عرب کےکرتادھرتا بھی آئے، سفیروں کوبلاکرایک میٹنگ آج اورایک گزشتہ روز ہوچکی ہے، معاملے کی اصلاح کر رہے ہیں، امید ہے جلد ہی بہتری نظرآئے گی۔
0 Comments